མི་སྣ་འབྲི་ཚུལ།
བོད་ཁྱིམ་གོ་པལ་པུར་སློབ་གྲྭ་ནས།
ང་ཡི་ནུ་བོ་ནི་ལོ་བརྒྱད་ཙམ་ཡིན། ཁོ་བློ་རྣོ་ཞིང་རིག་པ་གསལ་བ་དང་བསམ་ཤེས་ཤིག་ཡིན་པ་མ་ཟད། སློབ་སྦྱོང་ལ་ཡང་ཤིན་ཏུ་དགའ། དེའི་ཕྱིར་ང་རང་ནུ་བོ་ལ་ཧ་ཅང་དགའ། བསམ་བློ་གཏོང་བ་ནི་ཁོའི་གོམས་གཤིས་ཤིག་ཏུ་གྱུར་ཡོད་པས། ཁོར་ཡུག་གི་དངོས་པོ་ཐམས་ཅད་ཀྱི་གནས་ལུགས་ཇི་འདྲ་ཞིག་ཡིན་པའི་ཐད་ལ་དྲི་བ་མང་པོ་འདོན་པར་ཧ་ཅང་དགའ། ཉིན་ཞིག་ལ། ངེད་གཉིས་དགོན་པ་ཡོད་པའི་ཨ་ཁུའི་གྲྭ་ཤག་ཏུ་སོང༌། ནུ་བོས་མཆོད་མེ་བསྟན་ནས་“ཕུ་བོ་ལགས། འདི་ཅི་རེད”ཅེས་ཟེར། ངས་“འདི་ནི་མཆོད་མེ་རེད་”ཅེས་བཤད་པ་ལ།
བོད་དགེ་ཟུར་བ་འོད་ཟེར་གྱིས།
སློབ་ཚན་སྔོན་མའི་འཕྲོས།
ཁྱེད་ཀྱིས་༣༢༣༢གི་ཨང་གྲངས་འདི་དག་གི་མཚོན་དོན་ཤེས་སམ། འདི་ནི་བརྩེགས་མའི་བྱ་ཚིག་ནང་གི་རྗེས་འཇུག་ད་ཡིག་འཐོབ་པའི་དུས་གསུམ་སྐོར་ཞིག་གི་སྒོ་འབྱེད་པའི་ལྡེ་མིག་ཡིན། གཟུགས་འགྱུར་ལས་ཚིག་འདི་དག་དུས་གསུམ་བྱེ་བྲག་པའི་ཁོངས་སུ་འདུ་ཞིང་༢༡༣༢དང་༣༢༤༣གི་ལྡེ་མིག་དག་གི་སྒོ་འབྱེད་མི་ཐུབ། རྒྱུ་མཚན་ནི་ད་དང་ས་གཉིས་ནི་ཡང་འཇུག་དང་རྗེས་འཇུག་གཉིས་ཀའི་གོ་ཆོད་པའི་རྒྱུ་མཚན་གྱིས། རྗེས་འཇུག་ས་ཡིག་རྐྱང་པ་ཙམ་མ་ཟད་རྗེས་འཇུག་ད་ཡིག་གི་མཐའ་རུ་ ཡང་འཇུག་མི་འཐོབ་པས་བརྩེགས་མའི་དུས་གསུམ་འདི་དག་གི་འགྲོ་སྟངས་གོང་དང་མི་མཚུངས། དེ་བས་དུས་གསུམ་འདིའི་རིགས་ལས་སླ་བོར་ངེས་ཐབས་ལ་༣༢༣༢གི་ཨང་གྲངས་འདིའི་གོ་རིམ་ལ་བསམ་བློ་བཏང་སྟེ་སྦྱང་ན་རྗེས་འཇུག་ད་ཡིག་འཐོབ་པའི་བརྩེགས་མའི་བྱ་ཚིག་རྣམས་ཀྱི་འགྲོ་སྟངས་གཅིག་མཚུངས་ཡིན།
བོད་དགེ་ཟུར་བ་འོད་ཟེར་གྱིས།
སློབ་ཁྲིད་སྔོན་མའི་འཕྲོས།
ཁྱེད་ཀྱིས་༢༡༣༢གི་ཨང་གྲངས་འདི་དག་གི་མཚོན་དོན་ལ་ཉམས་ཞིབ་གནང་མྱོང་ངམ། འདི་ནི་བརྩེགས་མའི་བྱ་ཚིག་ནང་གི་རྗེས་འཇུག་ས་ཡིག་འཐོབ་པའི་དུས་གསུམ་སྐོར་ཞིག་གི་སྒོ་འབྱེད་པའི་ལྡེ་མིག་ཡིན། གཟུགས་འགྱུར་ལས་ཚིག་འདི་དག་དུས་གསུམ་བྱེ་བྲག་པའི་ཁོངས་སུ་འདུ་ཞིང་༣༢༤༣གི་ལྡེ་མིག་གི་སྒོ་འབྱེད་མི་ཐུབ། རྒྱུ་མཚན་ནི་ད་དང་ས་གཉིས་ནི་ཡང་འཇུག་དང་རྗེས་འཇུག་གཉིས་ཀའི་གོ་ཆོད་པའི་རྒྱུ་མཚན་གྱིས། རྗེས་འཇུག་ས་ཡིག་རྐྱང་པ་ལས་ཡང་འཇུག་མི་འཐོབ། དེ་བས་དུས་གསུམ་འདིའི་རིགས་ལས་སླ་བོར་ངེས་ཐབས་ལ་༢༡༣༢གི་ཨང་གྲངས་འདིའི་གོ་རིམ་ལ་བསམ་བློ་བཏང་སྟེ་སྦྱང་ན་བོད་ཀྱི་བྱ་ཚིག་ནི་དཀའ་ལས་ཁག་པོ་ཞིག་རྩ་བ་ནས་མིན།
༢༡༣༢ གི་ཨང་གྲངས་འདི་དག་གི་མཚོན་དོན།
ཨང་གྲངས་༢་འདིས་མ་འོངས་པར་སྔོན་འཇུག་དང་མིང་གཞི་གཉིས་ཡོད་པས་མཚོན་རྟགས་ཡིན།
ཨང་གྲངས་༡་འདིས་ད་ལྟ་བར་མིང་གཞི་རྐྱང་པ་གཅིག་ཁོ་ན་ཡོད་པས་དེའི་མཚོན་རྟགས་ཡིན།
ཨང་གྲངས་༣་འདིས་འདས་པར་སྔོན་འཇུག་དང་མིང་གཞི། རྗེས་གསུམ་ཡོད་པས་དེའི་མཚོན་དོན་ཡིན།
ཨང་གྲངས་༢འདིས་སྐུལ་ཚིག་ལ་མིང་གཞི་དང་རྗེས་འཇུག་གཉིས་ཡོད་པས་དེའི་མཚོན་དོན་ཡིན།
གཡུ་དྲུག་དཀར།
ནང་སྦྱོང༌།
དགེ་སློབ་གཉིས་ཀྱི་བར་ན། བྱ་བ་ཆུང་ཆུང་ཞིག་འདྲ་ཡང་ཆེན་པོ་ཞིག ལས་ཀ་ཉུང་ཉུང་ཞིག་འདྲ་ཡང་མང་པོ་ཞིག ཁུར་བོ་ཡང་མོ་ཞིག་འདྲ་ཡང་ལྕི་མོ་ཞིག
དགེ་རྒན་དང་སློབ་མ།
དགེ་རྒན་ཞིག་ལ་མཚོན་ན། ངེས་དཀའ་བ་རང་གི་སློབ་མའི་མིང་དང༌། བརྗེད་དཀའ་བའང་རང་གི་སློབ་མའི་མིང་ལགས་ན། སློབ་མའི་མིང་ནི་ཐོག་མར་ངེས་དཀའ་ལ། མཐའ་མར་བརྗེད་དཀའ་བ་ཞིག་རེད།
སློབ་གྲྭ།
སློབ་ཕྲུག་གིས་དགེ་རྒན་ངན་ལང་ལ་གཏོང་བ་དང༌། དགེ་རྒན་གྱིས་སློབ་མ་སྐྱག་ལང་ལ་གཏོང་བའི་སྐབས་ནི། སློབ་གྲྭ་ཞིག་ཉམས་རྒུད་དུ་འགྲོ་བཞིན་པའི་སྐབས་རེད།
བོད་དགེ་ཟུར་བ་འོད་ཟེར་གྱིས།
དེ་རིང་ནས་དགེ་སློབ་གླེང་སྟེགས་ཀྱི་སྡིངས་ཆ་འདི་བེད་སྤྱད་ནས་བོད་ཀྱི་སྐད་ཡིག་ཁྲོད་ཀྱི་བྱ་ཚིག་སྦྱོང་ཐབས་ཀྱི་རྣམ་གཞག་ཅིག་སློབ་ཕྲུག་ཚོའི་ཆེད་དུ་ངོ་སྤྲོད་མུ་མཐུད་ནས་བྱེད་རྒྱུ་ཡིན།
དང་པོ། ཉམས་རྒུད་དང་བེད་མེད་དུ་འགྱུར་བཞིན་པའི་བོད་ཀྱི་བྱ་ཚིག་གི་ཐ་སྙད་སྐོར་གླེང་བ།
བྱ་བའི་ཚོགས་ནི་བོད་ཀྱི་སྐད་ཡིག་གི་གྲུབ་ཆ་གལ་ཆེན་ཞིག་ཆགས་ཡོད་པས་བྱ་ཚིག་གི་འགྲོ་སྟངས་མ་ཤེས་ན་བོད་སྐད་ཡང་དག་པ་ཞིག་ཤེས་ཐབས་མེད་པ་རེད། བོད་ཀྱི་སྐད་ཡིག་གི་ནང་ན་ཐ་སྙད་ཕྱུག་ཤོས་ཡོད་པ་ནི་བོད་ཀྱི་བྱ་ཚིག་གི་ཐ་སྙད་སྐོར་རེད་ཅེས་ལབ་ན་མ་ཆོག་པ་མི་འདུག བོད་ལ་བྱ་བའི་ཚིག་གི་མ་ལྡེང་བའི་དཀའ་ངལ་ཞིག་ད་ལྟ་བར་དུ་བྱུང་མེད་ཚོད་རེད། ཡིན་ཡང་ད་ལྟ་བཙན་བྱོལ་ནང་གཙོ་བྱས་པའི་ཡུལ་ལུང་རེ་འགའི་ནང་བོད་ཀྱི་བྱ་ཚིག་གི་ཐ་སྙད་མང་པོ་བེད་མེད་ནས་རྩ་བརླག་འགྲོ་བཞིན་འདུག མི་རབས་གསར་བའི་དཔུང་ཁག་སྟེ་གཞོན་སྐྱེས་མང་པོ་ཞིག་གི་ཁ་སྣེ་ལྩེ་སྣེ་ན་བོད་ཀྱི་བྱ་ཚིག་གི་ཐ་སྙད་གང་མང་རྩ་བརླག་ཕྱིན་ཡོད་པ་མ་ཟད། བོད་ཀྱི་བྱ་ཚིག་གི་ཐ་སྙད་མང་པོའི་དུས་གསུམ་གྱི་རྣམ་གཞག་བེད་སྤྱོད་བྱེད་སྟངས་དེ་བས་ཀྱང་མགོ་མ་ཚོས་བར་བརྒྱ་གོ་གཅིག་ཆོད་བྱེད་བཞིན་འདུག དེང་སང་བཙན་བྱོལ་ནང་གཙོ་བྱས་པའི་ཡུལ་ལུང་རེ་འགའི་ནང་གི་མི་ཕལ་མོ་ཆེས་བྱ་ཚིག་གི་ཐ་སྙད་༼བརྒྱབ་༽ ཅེས་པ་འདི་བྱ་ཚིག་མང་པོ་ཞིག་གི་ཚབ་ཏུ་བེད་སྤྱད་ནས་བོད་ཀྱི་བྱ་ཚིག་གི་ཐ་སྙད་ཀྱི་འགྲོས་ངོ་མ་དག་བེད་མེད་ནས་རྩ་ཡལ་དུ་འགྲོ་བཞིན་འདུག དཔེར་ན།
August 30th, 2010 | Tags: 
མཆན་ ༼ 3 ༽འདུག
མཆན་མང་ཤོས་ཀྱི་རྩོམ།