|
ད་ལྟ་དྲ་ཐོག་འདི་ན་མི་
ཡོད། |
བྱ་ཚིག་གི་ཚོགས་ཀྱི་སློབ་ཐུན་གཅིགབོད་དགེ་ཟུར་བ་འོད་ཟེར་གྱིས། དེ་རིང་ནས་དགེ་སློབ་གླེང་སྟེགས་ཀྱི་སྡིངས་ཆ་འདི་བེད་སྤྱད་ནས་བོད་ཀྱི་སྐད་ཡིག་ཁྲོད་ཀྱི་བྱ་ཚིག་སྦྱོང་ཐབས་ཀྱི་རྣམ་གཞག་ཅིག་སློབ་ཕྲུག་ཚོའི་ཆེད་དུ་ངོ་སྤྲོད་མུ་མཐུད་ནས་བྱེད་རྒྱུ་ཡིན། དང་པོ། ཉམས་རྒུད་དང་བེད་མེད་དུ་འགྱུར་བཞིན་པའི་བོད་ཀྱི་བྱ་ཚིག་གི་ཐ་སྙད་སྐོར་གླེང་བ། བྱ་བའི་ཚོགས་ནི་བོད་ཀྱི་སྐད་ཡིག་གི་གྲུབ་ཆ་གལ་ཆེན་ཞིག་ཆགས་ཡོད་པས་བྱ་ཚིག་གི་འགྲོ་སྟངས་མ་ཤེས་ན་བོད་སྐད་ཡང་དག་པ་ཞིག་ཤེས་ཐབས་མེད་པ་རེད། བོད་ཀྱི་སྐད་ཡིག་གི་ནང་ན་ཐ་སྙད་ཕྱུག་ཤོས་ཡོད་པ་ནི་བོད་ཀྱི་བྱ་ཚིག་གི་ཐ་སྙད་སྐོར་རེད་ཅེས་ལབ་ན་མ་ཆོག་པ་མི་འདུག བོད་ལ་བྱ་བའི་ཚིག་གི་མ་ལྡེང་བའི་དཀའ་ངལ་ཞིག་ད་ལྟ་བར་དུ་བྱུང་མེད་ཚོད་རེད། ཡིན་ཡང་ད་ལྟ་བཙན་བྱོལ་ནང་གཙོ་བྱས་པའི་ཡུལ་ལུང་རེ་འགའི་ནང་བོད་ཀྱི་བྱ་ཚིག་གི་ཐ་སྙད་མང་པོ་བེད་མེད་ནས་རྩ་བརླག་འགྲོ་བཞིན་འདུག མི་རབས་གསར་བའི་དཔུང་ཁག་སྟེ་གཞོན་སྐྱེས་མང་པོ་ཞིག་གི་ཁ་སྣེ་ལྩེ་སྣེ་ན་བོད་ཀྱི་བྱ་ཚིག་གི་ཐ་སྙད་གང་མང་རྩ་བརླག་ཕྱིན་ཡོད་པ་མ་ཟད། བོད་ཀྱི་བྱ་ཚིག་གི་ཐ་སྙད་མང་པོའི་དུས་གསུམ་གྱི་རྣམ་གཞག་བེད་སྤྱོད་བྱེད་སྟངས་དེ་བས་ཀྱང་མགོ་མ་ཚོས་བར་བརྒྱ་གོ་གཅིག་ཆོད་བྱེད་བཞིན་འདུག དེང་སང་བཙན་བྱོལ་ནང་གཙོ་བྱས་པའི་ཡུལ་ལུང་རེ་འགའི་ནང་གི་མི་ཕལ་མོ་ཆེས་བྱ་ཚིག་གི་ཐ་སྙད་༼བརྒྱབ་༽ ཅེས་པ་འདི་བྱ་ཚིག་མང་པོ་ཞིག་གི་ཚབ་ཏུ་བེད་སྤྱད་ནས་བོད་ཀྱི་བྱ་ཚིག་གི་ཐ་སྙད་ཀྱི་འགྲོས་ངོ་མ་དག་བེད་མེད་ནས་རྩ་ཡལ་དུ་འགྲོ་བཞིན་འདུག དཔེར་ན།
འདི་ལྟར་བོད་ཀྱི་བྱ་ཚིག་གི་ཚོགས་ཀྱི་ཐ་སྙད་མང་དག་ཅིག་བེད་སྤྱོད་མེད་པ་ནས་རྩ་ཡལ་དུ་འགྲོ་བཞིན་ཡོད་པས་བོད་མི་རིགས་ལ་དུང་ཤ་བཙན་པའི་མི་བུ་ཞིག་ཡིན་ན་བོད་མི་རིགས་ཀྱི་ཐ་སྙད་ཕྱུག་པོ་འདི་དག་གི་ཚབ་ཏུ་བྱ་ཚིག་གཅིག་གི་བརྒྱ་གོ་གཅིག་ཆོད་མི་བྱེད་པར། བྱ་ཚིག་རང་སྟེང་གི་ནུས་པ་འདོན་ཅི་ཐུབ་གནང་རྒྱུ་གལ་ཆེ། གལ་སྲིད་སློབ་ཕྲུག་ཅིག་གི་རྩོམ་རིགས་ནང་དུ་བྱ་ཚིག་གི་ཐ་སྙད་༼བརྒྱབ༽ཟེར་བ་འདི་ལྟ་བུ་ཡང་སྐོར་བསྐྱར་སྐོར་བྱས་ཏེ་རྩོམ་དེའི་མགོ་མཇུག་བར་གསུམ་ཀུན་ཏུ་ཁྱབ་བསྡད་ཡོད་ན། རྩོམ་དེའི་དོན་གཅིག་པའི་སྐྱོན་དུ་འགྱུར་རྒྱུ་མ་ཟད་ཅི་འདྲའི་རྩོམ་ཡིག་ནུས་མེད་ཅིག་ཆགས་རྒྱུ་རེད། སྤྱིར་བརྒྱབ་ཅེས་པའི་བྱ་ཚིག་གི་ཐ་སྙད་འདི་ལྟ་བུ་གཅིག་བུ་བེད་སྤྱོད་རྐྱང་རྐྱང་བཏང་བསྡད་ན། མ་འོངས་པའི་མི་རབས་གསར་བ་ཚོས་བྱ་ཚིག་གི་ཐ་སྙད་མང་པོ་བཀོལ་སྤྱོད་གཏོང་མི་ཐུབ་པར་བརྡ་རྙིང་རྐྱང་རྐྱང་དུ་སེམས་ཀྱི་རེད། དེ་དུས་བོད་མི་རིགས་ཀྱི་སྐད་ཡིག་རང་བཞིན་གྱི་ཉམས་དམས་སུ་གྱུར་ཚར་བ་རེད། དེ་བས་རྒན་དར་གཞོན་གསུམ་ཚང་མས་སྟབས་བདེ་བོའི་ངང་ནས་བརྒྱ་གོ་གཅིག་ཆོད་ཀྱི་ཐབས་ལམ་སྤྱད་ནས་བོད་མི་རིགས་ཀྱི་སྐད་ཡིག་འཐུས་ཤོར་མ་གཏོང་རོགས། ང་ཚོ་ལ་མི་རིགས་ཤིག་དང་རིག་གཞུང་ཞིག་གི་འགན་འཁྲི་ཡོད། ང་ཚོས་མ་འོངས་པའི་མི་རབས་གསར་བ་ཚོ་མིག་དཔེ་བཟང་པོ་སྟོན་དགོས། འདི་ནི་ང་ཚོ་རྒན་པ་ཚོ་དང་དགེ་རྒན་ཚོས་ཁུར་དུ་འཁྲི་བའི་ལས་འགན་ངོ་མ་དེ་ཡིན། དེ་རིང་གི་སློབ་ཁྲིད་དེ་ཙམ། མུ་མཐུད་ནས་སློབ་ཁྲིད་བྱེད་རྒྱུ་ཡིན། བྱ་ཚིག་གི་ཚོགས་ཀྱི་སློབ་ཐུན་གཅིག |
|||||||||||||||||||||||||||||||||||||||||||||||||||||||||||||||||||||||||||||||
|
Copyright © 2010 དགེ་སློབ་གླེང་སྟེགས། - All Rights Reserved |
||||||||||||||||||||||||||||||||||||||||||||||||||||||||||||||||||||||||||||||||
July 30th, 2010 | Tags: 
ལྷག་པ་ཚེ་རིང་ལགས། ང་ཚོས་དགེ་སློབ་གླེང་སྟེགས་འདིའི་སྟེང་ནས་བོད་ཕྱི་ནང་གི་དགེ་སློབ་གང་མང་ཞིག་ལ་འབྲེལ་འདྲིས་ཀྱིས་བོད་མི་རིགས་ཀྱི་སྐད་ཡིག་སྦྱོང་སའི་འཛིན་ཁང་ཡག་པོ་ཞིག་བསྐྲུན་པར་ཉམས་མྱོང་ཅན་གྱི་དགེ་རྒན་རྣམ་པ་དང་། ཤེས་ཡོན་པས་དཔུང་ཁག་ཅིག་ལ་རག་ལས་ཡོད་པས། ཚང་མས་འདིའི་ཕྱོགས་ལ་ལྷག་བསམ་རྣམ་དག་གིས་རྒྱབ་སྐྱོར་ཡོང་བར་ཞུ།
ཁྱེད་རང་གིས་གསུངས་པ་དེ་ཐུགས་བདེན་པ་རེད། དེང་སྐབས་གཏང་དང༌། བྱེད། རྒྱབ། གནང་སོགས་སྤྱི་པའི་བྱ་ཚིག་རིགས་གཅིག་རང་བཀོལ་ནས་བྱ་བ་གང་དང་གང་མཚོན་པའི་ཐུན་མིན་གྱི་བྱ་ཚིག་རྣམས་བོད་མིའི་ལྕེ་སྟེང་ནས་རིམ་གྱིས་ཡལ་འགྲོ་གི་འདུག དེ་བྱས་པས་འབྲས་བུར་སྐད་ཡིག་དབུལ་བ་དང༌། འབྲི་རྩོམ་བྱེད་སྐབས་དོན་མེད་ཀྱི་དཀའ་ངལ་མང་པོ་འཕྲད་ཀྱི་ཡོད། འབོད་ཅེས་པའི་ཚབ་ཏུ་སྐད་གཏོང་ཞེས་བཀོལ་རྐྱང་བྱེད་ན་ཉིན་གཅིག་འབོད་པའི་ཁ་ལས་རྩ་བརླགས་ཕྱིན་ནས་བྱ་ཚིག་གཅིག་ཉུང་དུ་ཕྱིན་པ་ཙམ་དུ་མ་ཟད་རྩོམ་འབྲི་སྐབས་དཀའ་ངལ་འཕྲད་ངེས་རེད། དཔེར་ན། ང་ཡིས་ཁོང་རྣམས་འདི་རུ་བོས༎ ཞེས་སྐད་ཅེས་པའི་ཚིག་མ་སྦྱར་པར་ཡང་བོས་གཅིག་པོ་བཀོལ་ནས་ཚིགས་བཅད་རྐང་པ་བདེ་བར་འབྲི་ནུས་ལ། དེའི་ཚབ་ཏུ་གཏོང་བཀོལ་ན། ང་ཡིས་ཁོང་རྣམས་འདིར་སྐད་བཏང༌༎ ཞེས་སྐབས་དགོས་མེད་ཀྱི་སྐད་ཅེས་པའི་གཅིག་བསྣན་དགོས་པ་དང༌། ཚིགས་བཅད་ཀྱི་ཆ་ཡའི་གཅོད་མཚམས་མི་བདེ་བ་འདི་འབྱུང་བ་ཡིན་ནོ༎
ཞེས་གང་དྲན་དུ་ཞུས་པ་ཡིན
བཀུར་འོས་པའི་དགེ་རྒན་རྣམ་པ་དང་ན་གཞོན་སློབ་ཕྲུག་སུ་ཡིན་ཡང་བྱ་ཚིག་གི་ཐ་སྙད་བེད་སྤྱོད་བྱ་ཐབས་འདིའི་སྟེང་ལ་བགྲོ་གླེང་དང་དོ་སྣང་བྱེད་པར་རྗེས་སུ་ཡི་རང་ཞུ།