གཅན་མེ་སྟག
མེང་ནྰ་ལིས་ཧྲ། ཨང་རྟགས་779ཅན་གྱི་ལོ་ཧྥུ་ཕོ་བྲང་གི་རྩ་ཆེའི་ནོར་བུ། ཏྰ་ཧྥིན་ཆིས་བྲིས་པའི་མིའི་རིགས་སྒྱུ་རྩལ་བརྩམས་ཆོས་ཁྲོད་ཀྱི་ཆེས་སྐད་གྲགས་ཆོད་པའི་རི་མོ ལོ་ངོ་ལྔ་བརྒྱའི་ཡུན་ལ་མི་ཡལ་བའི་འཛུམ་མདངས་ཤིག་གི་བསླུ་བྲིད།
འཕྱོར་སྒེག་རས་ཤམ་གྱི་གོང་ཤར་བྲང་ནས་སྒྲོག་ཅིང་། དུས་དར་མཐོ་རིམ་པའི་སྐྲ་རྒྱན་མགོ་རུ་སྤྲས་ལ། འཇིལ་ལེར་དཔྱངས་པའི་སྐྲ་ལོ་ཕྲག་གོང་དུ་ཕབས་པའི་མེང་ནྰ་ལིས་ཧྲ་ནི་ལུས་གཟུགས་གཞོན་ཤ་དར་ཞིང་། འཁུར་ཚོས་དམར་མདངས་རྒྱས་པ། འཕྱོར་ཉམས་ལྷོད་ཀྱིས་མངོན་ཞིང་། ལྕུག་ལྡན་འཛུམ་གྱིས་འོངས་པའི་ངང་དུ་གནས་ཏེ། བབ་ཆགས་ནེམ་གྱིས་སྡོད་ལ་བསླུ་བྲིད་རྐང་ནས་འཛིན་པའི་ལུས་ཉམས་དང་། ཟོལ་མེད་གདོང་ལས་མཐོང་ཞིང་གཡོ་འཁྲིད་མིག་ལས་མཆེད་པའི་རྣམ་འགྱུར། ཁེངས་པ་ཕྲག་ཏུ་དཔྱངས་ལ་ཆགས་འགུགས་འཛུམ་གྱིས་འབྲིད་པའི་རེས་མངོན་རེས་ཡིབ་ཀྱི་དགོད་ཉམས་དེས། མིའི་རིགས་ཀྱི་དོགས་ཚོམ་དང་བག་ལ་ཉལ་གྱི་ཤེས་པ་གཏིང་ནས་སྔོགས་པའི་ཁྱད་ཆོས་མངོན།
གཅན་མེ་སྟག
–ཨེ་ཇིབ་ཀྱི་འདས་མཆོད་སྨོན་ཡིག་ཅིག་ལ་ལད་མོར་བྲིས་པ།
བདག་གིས་ལྷ་ཡུལ་ལྡུམ་ར་རུ་བྱང་ཆུབ་ཤིང་ཞིག་བཙུགས་ཡོད།
བདག་གིས་ས་སྟེང་ཕོ་བྲང་དུ་རྒྱལ་མཚན་དར་ཞིག་བསྒྲེངས་ཡོད།
བདག་གིས་ལོ་འགྲོས་དུང་ཕྱུར་གྱི་སྨོན་ཚིག་བཟླས་ནས།
ཤི་བདུད་དུང་ཕྱུར་གྱི་བླ་སྲོག་བཙོན་ལས་བསྐྱབས་ཟིན།
འཕགས་མ་ཨ། བདག་གི་མཆུ་སྒྲོས་དང་མགྲིན་པ་བརྒྱུད་ནས།
ཁྱེད་ཀྱིས་མི་ཡུལ་གྱི་བདེན་ཚིག་སྒྲོགས་ཤོག་དང་།
དགའ་སྡུག་གི་རོ་མངར་ཡོད་ཚད་སླར་ཡང་བདག་གི་ལུས་ཕུང་བརྒྱུད་ནས།
མི་ཡུལ་གྱི་གཤིན་སར་ཐོབས་ཅིག་དང་།
March 22nd, 2010 | Category: 
མཆན་མང་ཤོས་ཀྱི་རྩོམ།