_______ཡོན་བྷེ།
གླེང་གཞི། 
  འདིར་འབྱུང་འགྱུར་ལ་ཁ་གཏད་ཏེ་འདས་པའི་བཙན་བྱོལ་ཁྲོད་ཀྱི་ཤེས་ཡོན་སློབ་གསོའི་གནས་བབ་ལ་རྟོག་ཞིབ་དང༌། རྒྱུས་ལོན། ཕྱོགས་བསྡོམས་བཅས་ཆ་ཚང་ཞིག་བྱས་པའི་སྒོ་ནས་འདས་པའི་མི་ལོ་སུམ་ཅུའི་ཤེས་ཡོན་སློབ་གསོའི་འཐུས་ཤོར་གྱི་རྐྱེན་རྩ་བཙལ་ཡོད་ལ། ཐབས་ལམ་གང་ཞིག་བརྒྱུད་ན་འཐུས་ཤོར་ཁ་གསབ་དང༌། ལག་ལེན་དངོས་ཀྱི་ཐོག་ནས་ཡར་རྒྱས་ཇི་ལྟར་གཏོང་ཐུབ་མིན་སོགས་ཀྱི་སྐོར་ལ་གླེང་སློང་བྱས་ཡོད།
 
གཅིག བཙན་བྱོལ་ནང་གི་ཤེས་ཡོན་སློབ་གསོའི་གནས་བབ་སྤྱིར་བཤད་པ།
  སྤྱིར་ང་ཚོ་བཙན་བྱོལ་ལ་ཡོང་དགོས་པའི་གནད་དོན་གཙོ་བོ་དེ་རྒྱ་ནག་དམར་པོའི་སྲིད་གཞུང་གི་འཆར་གཞི་དང་གྲ་སྒྲིག་ཡོད་པའི་སྲིད་བྱུས་གཏིང་ནག་པོ་ཞིག་ལ་ཐུག་ཡོད། དེར་བརྟེན་ང་ཚོའི་དཀའ་ངལ་འདི་དུས་ཐུང་ངང་སེལ་དགོས་པའི་གནད་དོན་ཛ་དྲག་ཅན་ཞིག་ཀྱང་རང་བཞིན་གྱིས་ཆགས་ཡོད། འོ་ན་དེ་ལྟ་བུའི་ཆེས་ཛ་དྲག་རང་བཞིན་དང༌། དཀའ་སྡུག་གི་རང་བཞིན། མུན་ནག་གི་རང་བཞིན། གདུག་རྩུབ་ཀྱི་རང་བཞིན། མནར་གཅོད་ཀྱི་རང་བཞིན་ཅན་གྱི་དོན་གནད་དེ་ཇི་ལྟར་སེལ་ཐུབ་པ་དང༌། ཐབས་ཚུལ་གང་ལ་བརྟེན་ནས་སེལ་དགོས་ཞེ་ན། དེ་ནི་ང་ཚོའི་མ་འོངས་པའི་མི་རབས་དག་ལ་ཤེས་ཡོན་རིག་གནས་ཀྱི་གནས་ཚད་ཅི་ཙམ་ཡོད་མེད་ལ་རག་ལས་པ་མ་ཟད། ཁོང་ཚོར་མི་རིགས་ཀྱི་འདུ་ཤེས་དང༌། རྒྱལ་ཁབ་ཀྱི་ཞེན་ཁོག ཆོས་རིག་གི་རིན་ཐང་བཅས་ལ་ངོས་འཛིན་གསལ་བོ་ཡོད་མེད་ལ་དེ་བས་ཀྱང་རག་ལས་པ་ཡིན། 

October 22nd, 2009 | Category: རྕོམ་ཡིག | མཆན་ཞོག

            (ཚན་པ་གཉིས་པ།)                  དུང་དཀར་བློ་བཟང་འཕྲིན་ལས།
 
དེ་སྔོན་བོད་ཀྱི་ལོ་རྒྱུས་ཡིག་ཆ་མང་ཆེ་བར་བོད་ཀྱི་ལོ་ཙཱ་བའི་ཐོག་མ་ནི་ཐོན་མི་སམ་བྷོ་ཊ་ཡིན་པར་གསུངས་ཡོད། གཡུང་དྲུང་བོན་གྱི་ལོ་རྒྱུས་<མདོ་འདུས>ལས་སྟག་གཟིག་འོལ་མོ་གླིང་གི་བཀའ་དང་བོན་རྣམས་ལོ་ཙཱ་བ་ ༡ ཞང་ཞུང་ཁྲི་ཐོག་སྤ་ཙ། ༢ བོན་པོ་མུ་ཕོད། ༣ རྒྱ་གར་གྱི་གཤེན་པོ་ལི་ཤ། ༤ ཁ་ཆེའི་གཤེན་པོ་བྲ་བ་མེད་རེ་ཅན། ༥ ཐོ་གར་གྱི་གཤེན་པོ་ལ་ཝང་ཤང༌། ༦ བྲུ་ཤ་གེ་ཏེ་ནི་ལོ་རྒྱ་རྣམས་ཀྱིས་བོན་བསྒྱུར་ཅིང་བཤད་ཅེས་དང༌། <རྒྱུད་ཉི་སྒྲོན་>ལས་ཁྱུང་ཕོ་སྟག་སྒྲ་དོན་གཙུག བླ་ཆེན་ལི་ཤོ་སྟག་རིང༌། བྷེ་ཤོ་ཁྲམ། གཙོ་ཁྲི་གཙུག་བཅས་བཞིས་ཞང་ཞུང་གི་མཁས་པ་མི་བཞི་ལ་གཏུགས་ཏེ་བོན་ཞུས་པས་བོན་གྱི་གསང་སྡེ་ཆེན་པོ་བཞི། འབུམ་སྡེ་ཆེན་པོ་ལྔ༌། ཕྱི་ནང་རྒྱས་བསྡུས་ཀྱི་བོན་ལ་སོགས་པ་བོད་སྐད་དུ་བསྒྱུར་ནས་རྒྱལ་པོ་ལ་ཕུལ་བས་རྗེ་ཡང་ཐུགས་དགྱེས་སོ་ཞེས་གསལ་བ་ལྟར་ན་སྐབས་དེར་བོད་ཀྱི་མངའ་ཁོངས་སུ་གཅིག་གྱུར་མ་བྱས་གོང་གི་བོད་ཀྱི་ལོ་ཙཱ་བ་ཡིན་པ་གསལ་པོ་ཡིན་པ་མ་ཟད། རྒྱལ་པོ་གྲི་གུམ་བཙན་པོས་བོན་མ་བསྣུབས་གོང་གི་བོད་ཀྱི་ལོ་ཙཱ་བ་རེད།

October 20th, 2009 | Category: རྕོམ་ཡིག | མཆན་ཞོག

(ཚན་པ་དང་པོ།)      དུང་དཀར་བློ་བཟང་འཕྲིན་ལས།
 
      ད་རེས་འདིར་དུས་ཐུང་གི་ཡིག་སྒྱུར་སྦྱོང་བརྡར་འཛིན་གྲྭ་འདིར་འབྲེལ་ཡོད་དབུ་ཁྲིད་ནས་ཡིག་སྒྱུར་སྐོར་གྱི་འབྲེལ་ཡོད་ཤེས་བྱ་ཁག་གཅིག་ངོ་སྤྲོད་བྱ་དགོས་གསུངས་པར་ང་རང་ནི་ཡིག་སྒྱུར་བྱེད་མཁན་མིན་སྟབས་དེའི་སྐོར་གྱི་ཤེས་ཡོན་ཧ་ཅང་སྐྱོ་པོ་ཡིན་པས་རྣམ་པ་ཚོར་ཕན་ཐོགས་པའི་ཞུ་བྱ་གང་ཡང་མ་མཆིས་ཤིང༌། རྣམ་པ་ཚོས་ད་ཕན་ཡིག་བསྒྱུར་གནང་བའི་དཔེ་དེབ་ཀློག་པ་པོ་ཞིག་ཡིན་པའི་ཆ་ནས་རང་གི་བསམ་ཚུལ་དང་རེ་འདུན་སྐོར་ཁག་གཅིག་ཞུ་རྒྱུ་གཤམ་གསལ།

October 20th, 2009 | Category: རྕོམ་ཡིག | མཆན་ཞོག