བསིལ་ཆབ།
སྔོ་ལྗང་རྩྭ་ལོས་མུ་ཏིག་རྒྱན་ཆ་སྤྲས།།
ལྗོན་ཤིང་ཡལ་གས་ཡིད་འཕྲོག་བྲོ་གར་འཁྲབ།།
བྱེའུ་ཆུང་སྐྱིད་པའི་གླུ་དབྱངས་ཀྱུར་ཀྱུར་སྒྲོག །
ཞོགས་པའི་ཁ་དབུགས་སློབ་གླིང་འདི་ལ་ཁྱབ།།
གཡུ་དྲུག་དཀར།
ནང་སྦྱོང༌།
དགེ་སློབ་གཉིས་ཀྱི་བར་ན། བྱ་བ་ཆུང་ཆུང་ཞིག་འདྲ་ཡང་ཆེན་པོ་ཞིག ལས་ཀ་ཉུང་ཉུང་ཞིག་འདྲ་ཡང་མང་པོ་ཞིག ཁུར་བོ་ཡང་མོ་ཞིག་འདྲ་ཡང་ལྕི་མོ་ཞིག
དགེ་རྒན་དང་སློབ་མ།
དགེ་རྒན་ཞིག་ལ་མཚོན་ན། ངེས་དཀའ་བ་རང་གི་སློབ་མའི་མིང་དང༌། བརྗེད་དཀའ་བའང་རང་གི་སློབ་མའི་མིང་ལགས་ན། སློབ་མའི་མིང་ནི་ཐོག་མར་ངེས་དཀའ་ལ། མཐའ་མར་བརྗེད་དཀའ་བ་ཞིག་རེད།
སློབ་གྲྭ།
སློབ་ཕྲུག་གིས་དགེ་རྒན་ངན་ལང་ལ་གཏོང་བ་དང༌། དགེ་རྒན་གྱིས་སློབ་མ་སྐྱག་ལང་ལ་གཏོང་བའི་སྐབས་ནི། སློབ་གྲྭ་ཞིག་ཉམས་རྒུད་དུ་འགྲོ་བཞིན་པའི་སྐབས་རེད།
ཨར་ཟོར་རེམ་བྷོ་ཌི།
བདག་རང་གྲགས་འགུལ་མེད་པའི་གཙང་ཆུ་རིང་མོའི་འགྲོས་དང་བསྟུན་ནས་འབབ་དུས
གྲུ་ཆུང་ཉིད་ནི་གྲུ་འཐེན་གླ་བའི་འདྲེན་ཐག་ལས་ཐར་བ་དང་འདྲ་ཞིང
ཤ་མདངས་དམར་བའི་ཨིན་ཏིས་ཨན་མིས་ངར་སྐད་སྒྲོགས་བཞིན
ཁོ་ཚོར་མདའ་མོ་ཤུགས་ཀྱིས་འཕེན་ལ ཁོ་ཚོ་གཅེར་ལྷང་ལྷང་གིས
མདོག་ལྡན་ཤིང་གི་ཀ་བའི་སྟེང་དུ་འཛེར་བར་བྱེད
བདག་གིས་རྟག་ཏུ་གྲུ་བ་གང་ཡང་སེམས་པའི་གཞི་རུ་འཛིན་པ་མེད་དེ
ཁོ་ཚོས་ཧྥུ་རན་དྷི་ཡི་ནས་འབྲུ་དང་དབྱིན་ཇིའི་སྲིང་བལ་འབོར་འདྲེན་བྱེད་བཞིན་ཡོད
ནམ་ཞིག་འུར་ཟིང་ཉིད་དང་ཆབས་ཅིག་གྲུ་འཐེན་གླ་བ་འདི་དག་རྨེག་མེད་དུ་སོང་རྗེས
གཙང་ཆུ་རིང་མོའི་རླབས་རྒྱུན་ཉིད་ནི་བདག་དང་འགྲོགས་ནས
བག་ཡངས་གང་འདོད་ཀྱིས་འཕྱོ་ཞིང་འབབ་པར་བྱེད་དོ
ལོ་དེའི་དགུན་ཁར་སྐྱོམ་ཞིང་གསིགས་པའི་རྒྱ་མཚོའི་རླབས་སྒྲའི་ཁྲོད
བདག་ནི་བསམ་ཤེས་མིན་པའི་བྱིས་པ་ལས་ཀྱང་རྨོངས་ཚོད་ཁོ་ནས
འཁྱམས་ཉུལ་བྱེད་པར་ཆས་ཤིང གཡེང་ཞིང་འཕྱོ་བའི་གླིང་ཕྲན་ཆུང་ངུ་དག་གིས་ཀྱང
འདི་ལྟའི་གྲགས་འགུལ་གྱི་འཕག་རྡོབ་བརྒྱུད་མྱོང་མེད་དོ
ཀླུ་སྨྱོན།
ལོ་ངོ་ཁྲི་ཕྲག་གི་ཕ་རོལ་ནས་དེ་རིང་བར་དུ།
མི་རིགས་འདིས་རང་ལམ་རང་གིས་བཙལ་ནས་ཡོང་བ་ཡིན།
ལྷ་དང་དཀོན་མཆོག་གི་འདུ་ཤེས་ཀྱིས།
མི་རིགས་འདི་ལ་སེམས་གསོ་གྲངས་མེད་ཅིག་སྦྱིན་ཡོད།
ཆོས་དང་རིག་གཞུང་གི་གཞུང་རྟ་ཡིས།
མི་རིགས་འདི་ལ་ལྗིད་ཏིག་ཏིག་གི་སྟོན་འབྲས་ཤིག་བསྩལ་ཡོད།
ཡིན་ན་ཡང་།
མི་རིགས་འདི་དཀའ་སྡུག་དང་འཕྲད་དུས།
མི་རིགས་འདིའི་ཐག་ཉེ་ས་ན་ཡོད་པའི་མགོན་སྐྱབས་ནི།
མི་རིགས་འདི་རང་ཉིད་ཁོ་ན་ཡིན།
མི་རིགས་འདི་བདེ་སྐྱིད་དང་ལྡན་དུས་སུ།
མི་རིགས་འདིའི་གླུ་སྒྲ་མགོ་མ་དེ་གྱེར་མཁན་ནི།
མི་རིགས་འདི་རང་ཉིད་ཁོ་ན་ཡིན།
མཐའ་དམག་གི་འཇིགས་པ་བསླེབས་དུས།
མི་རིགས་འདིས་རང་གི་གསོན་ལམ་ཞིག་བཙལ་ཡོད་ལ།
གློ་བུར་བའི་ས་ཡོམ་བརྒྱབ་དུས་ཀྱང་།
མི་རིགས་འདིས་རང་གི་འཚོ་གནས་ཤིག་རྙེད་ཡོད།
ང་རང་བོད་པ་ཞིག་ཡིན་བསམས་པའི་འདུ་ཤེས་གསོན་པོ་ཞིག་ཁོ་ནས།
ད་གཟོད་མི་རིགས་འདི་འཆི་ལམ་ནས་ཕྱིར་འཇིག་རྟེན་དཀར་ངོགས་སུ་ཁྲིད་ཡོང་བ་དང་།
ང་རང་གངས་ཅན་པ་ཞིག་ཡིན་སྙམ་པའི་ང་རྒྱལ་དྲག་པོ་ཞིག་གིས།
ད་གདོད་མི་རིགས་འདི་མུན་ཁྲོད་ནས་འོད་ཟེར་གྱི་ཀློང་དུ་བསྐྱལ་ཡོང་བ་ཡིན།
འདི་དང་འདི་ལྟ་བུའི་དཔུང་གདང་གཅིག་སྒྲིལ་གྱི་གླུ་སྒྲ་ཞིག་གྲག་ཐེངས་རེ་རེར།
ངའི་སྙིང་དམར་པོ་དེའི་ཚ་དྲོད་མཐོ་ནས་མཐོ་རུ་འགྲོ་བ་དང་།
འདི་དང་འདི་ལྟ་བུའི་རྡོག་རྩ་གཅིག་སྒྲིལ་གྱི་གོམ་སྟབས་ཤིག་སྒྲིག་ཐེངས་རེ་རེར།
ངའི་མ་འོངས་པའི་རེ་བ་ཡང་ལྕི་ནས་ལྕི་རུ་འགྲོ་གིན་འདུག
གཤིན་པོ་ཚོར་བསྔོ་སྨོན་འདོན་དུས།
སྐྱ་སེར་མེད་པར་དེ་རིང་མཉམ་དུ་འཛོམས་འདུག་ལ།
གསོན་པོ་ཚོར་རོགས་རམ་བྱེད་དུས་ཀྱང་།
དབུལ་ཕྱུག་མེད་པར་དེ་རིང་ལྷན་དུ་འདུས་པས།
མི་རིགས་འདི་ད་ནི་ལོ་ངོ་སྟོང་ཕྲག་གི་རྨི་ལམ་མཐུག་པོ་ཞིག་ལས་ཡོངས་སུ་སད་དེ།
མི་རིགས་འདི་ཆོལ་ཁ་དང་ཆོས་ལུགས་ཀྱི་ཕྱོགས་རིས་ལས་ཡོངས་སུ་བརྒལ་ཏེ།
རང་ངོ་རང་གིས་ཤེས་ཤིང་རང་མིར་རང་གིས་གཅེས་པའི་དུས་རབས་ཤིག
དེ་རིང་ནས་མགོ་བརྩམས་འདུག་པ་ཡང་གཞི་ནས་རྟོགས་བྱུང་།
སྐྱེ་རྒུའི་ས་ཡོམ་གྱི་དགུང་ཞག་ཚང་བའི་ཉིན་མོར་ཨ་རིར་བྲིས།
༼སྐྱེ་རྒུ་མདོའི་ས་ཡོམ་གྱི་སྔ་རྗེས་སེམས་ཚོར་ཚིག་ཏུ་བསྡེབས་པ།༽
རྡོ་རྗེ་དབང་ཕྱུག
འབྱུང་བ་འཁྲུག་པའི་གོད་ཆག་གཏུམ་པོས་སྐྱེ་རྒུའི་རི་ལུང་ཡོམ་ཡོམ་སྒུལ།།
བཀྲ་ཤིས་ལུང་པའི་ཕུ་འདའ་མ་ལུས་ངུ་འབོད་འཐབ་པའི་སྒྲ་ཡིས་ཁེངས།།
དགའ་འཛུམ་མདངས་ཀྱི་ཁ་དོག་མང་པོ་ཐལ་རླུང་འཚུབ་མས་ཡོངས་སུ་བཅོམས།།
ཚེ་སྲོག་ལྗོན་པ་སྟོང་གི་རྩེ་མོ་གཤིན་རྗེའི་ཞགས་པས་བཅད་དེ་ཐལ།།
ལྕགས་སྟག་(༢༠༡༠)སློབ་མའི་འོས་ལངས་ལ་ཕུལ།
བཟོད་པ་རྒྱ་མཚོ།
རིགས་དྲུག་ཚེ་སྲོག་གི་ཤིང་རྟ།།
ཞི་བའི་རྒྱལ་ཁམས་སུ་འདྲེན་པའི།།
ཐུ་བྷོད་སྟོབས་ཤུགས་ཀྱི་གོང་བུ།།
བདག་གི་དུས་གསུམ་གྱི་འདྲེན་པ།།
སྙིང་གཏམ་ལ་འཐམ་པའི་རེ་ཟུང་ཞིག
རྒྱུན་པར་མི་ཚེ་ཡི་སླད་དུ
མ་ཁོམ་པར་གླེང་གཞི་རིང་མོས་ཁུག་ལ་བཞུད
ཅི་ཞིག་གླེང་ཀྱང འབྱུང་འགྱུར་གྱི་གོ་རིམ་རིང་མོ
ཅི་ཞིག་བསམ་ཀྱང མ་འོངས་བའི་བརྒྱུད་རིམ་ཟླུམ་པོ
དཀྱིལ་འཁོར་དོགས་མོ་ཡི་ཁུག་གཞུང་དང་
བསམ་གཞིགས་ཀྱག་ཀྱོག་གི་དོ་ར་ན
ཁོ་གཉིས ནམ་ཡང དོགས་གཞི་ཁོ་ན་ཡི
གླེང་མོལ་ལ་འཁྱུད
དོན་འགྲུབ་རྒྱ་མཚོ།
ལྦ་ཎ་མཐོ་སློབ།
མིག་ཁ་རུ་ལྡིང་བའི
མིག་ཆུ་རིང་མོ
མཐོ་སྒང་ལ་བཟུང་བའི་སྡུག་ཡུས
ངའི་སེམས་མཁའ་རུ་མེ་ལྟར་འབར
གཞན་འོག་ན
མི་ལོ་ལྔ་བཅུ་ཡིས་གདུང་བ་ཁུར་ནས
དུས་རབས་ཉེར་གཅིག་གིས་སྒོ་ཁ་བསླེབས་ཀྱང་
ད་དུང་སྡུག་བསྔལ་ཞིག་ཐོད་ལ་བྲིས་བ
ལས་དབང་ཡིན་ནམ
བཙན་དབང་ཡིན་ནམ
དོན་འགྲུབ་རྒྱ་མཚོ།
ལྦར་ཎ་མཐོ་སློབ།
ཤེའུ་ཀུན་དཔལ།
མཐོ་སྒང་གི་བྲང་ཁར་ནུ་འབུར་ལྟར་འགྱིངས་བའི་རི་སྒང་ནས།
དུང་དང་འདྲ་བའི་བཅོ་ལྔའི་ཟླ་བས་ས་གཞིའི་ངོ་གདོང་བརླན།
འོད་ཐིགས་རེ་རེ་བྱ་སྤུ་བཞིན་ལུས་སེམས་ནང་ཐིམ་ཡོང་དུས།
ཚོར་བ་འདི་བུ་རམ་བཞིན་ཅི་འདྲའི་ཞིམ་མངར་ཞིག་རེད་ཨང༌།
ཡུལ་ཁྱད་འཕགས་གངས་ཅན་ཁ་བའི་ལྗོངས། །
སྟོད་དབུས་གཙང་ཆོས་ཀྱི་ཆོལ་ཁ་འདི། །
བྱམས་སྙིང་རྗེ་ཆེ་ཞིང་དགེ་བཅུ་ལྡན། །
གནས་ངོ་མཚར་ལོ་རྒྱུས་འབུམ་གྱིས་ཕྱུག།
August 15th, 2010 | Tags: 
མཆན་མང་ཤོས་ཀྱི་རྩོམ།